BISHOP'S CONVENTION ADDRESS

On Reaching-out and Renewal

1.     Lumawlawa ti sakupen ti mission tayo idiay Kabayan. Nagrugi tayo ijay Bashoy, Kabayan kas outstation ti St. Gregory, Loo. Ngem gapu ti aganiddayo dagitoy a luglugar imbaon tayo ni Padi Agustin Lizardo III kas missionary sadiay. Ita mairugrugi metten ti mission idiay Ambangeg, Tikey ken Pito. Adda pay dadduma a komunidad iti Kabayan ken Bokod a mabisbisita ken maad-adal no mabalin danto a baro nga outstations.

2.     Tatta a bulan agmaysa a tawen metten ti tuloy-tuloy a panagbisita ken panagserbi dagiti taga St. Gregory, Loo ijay Central Buguias. Madama nga ad-adalen da Padi Danilo Curiano ken ti Vestry no ania ti sumaruno nga maaramid dita a lugar.

3.     Nagasat tay met ta iti naglabas a tawen adda innem a baro a simbaan ti intay nabendisyionan: St. Gregory of Nazianzus in Gravel Pit, Lepanto [members are from the place unlike St. Alban whose members come from many places]; Holy Nativity in Lon-oy, San Gabriel; St. Dunstan in Manaba, Mankayan; Ascencvion Church in  Lipay, San Gabriel; Church of the Visitation in Lubas, Ansagan, Tuba; and St, Martin in Cuenca, Pugo, La Union. It is inspiring that construction of many of these churches was funded by internal resources isu a natawenan ti nakaipasdekanda. Maysa laeng dagitoy a pakakitaan iti tumatangtangken ken umun-uneg a pammati dagiti tattao tayo.

4.     Masya kadagitoy, ti St. Gregory of Nazianzus, Gravel Pit ket agngayngayangay a maawat kuma a maitipon iti Convention kas maysa nga ‘Organized Mission’ ket outstationa ti St. Hilda, Tagumbao. Natungpalda met dagiti kalikagum ti pagluntegan tayo isu nga dawatek kuma a patgan daytoy a Convention dayta a kalikagumda.

5.     Kas pangsuporta iti expansion work tayo gimmatang ti Diocese iti lote idiay Pudong, Kapangan; Banig, La Trinidad; ken agarup maysa nga ektarya idiay Palina, Pugo, La Union. Ti congregasyon idiay Bashoy gimmatangda met iti 200sqm a lote a pakaisaadanto ti simbaan idiay Tikey, Bokod.

On Theological Education and Ordained Ministry

1.     Idi napan a tawen lima ti nagapu ditoy Diocese a nagturpos idiay seminario: Rov Ban-eg [San Isidro Labrador, Lawin]; Ritchell Belinan [Epiphany Church, La Trinidad]; Jaime Dominguez, Jr [Cathedral of the Resurrection]; Raul Gawec [St. Margaret, Immalog] and Kendall Mendoza [still completing requirements of Canonical Examinations]. The first four were eventually admitted as Candidates for Holy Orders and sent out for internship or practicum as part of their preparation towards ordination. Sangapulo met ti naawat kas Postulants for Holy Orders ket adda idiay seminario.

2.     Dagiti seminarista tayo isuda: 4^th year- Noel Malaggay and Jaime Masado; 3^rd year- Jason Aguila & Terence Yangyang; 2^nd year- Audie Taguibao; 1^st year- El Cid Catnas, Seth Galpo, Jose Liano and Cherry Ann Sonay.

3.     Nalpas met ni Padi Alice Sibaen ti post-graduate studies na idiay Virgina Theological Seminary. Madama nga isu ti  padi ti St. Augustine, Nama. Sinublat na ni Padi Jane Dogue-is nga isu met ti adda tatta idiay VTS.

4.     Padi Leandro Menis-MBA from University if the Cordilleras.

5.     Nairubuat metten ti Lay Training tayo ket adda 23 nge estudyante iti dayta a programa.

6.     Nanayunan met dagiti diakono ditoy Diocese: Ronald Bantas, Genesis Langbao, Christopher Dangpilen, Myrna Algona, Helen Coteng Domoguen, George Caslangan ken ni Jose Manaoas. Kas Makita yo iti statistical report ti ngarud dagup dagiti ordinary a ministro tayo ket: 35 a papadi iti active roll tayo ngem 3 kadagitoy ti agnanaed wennu agserserbi itti ballasiw ta-aw kjen 4 nga agserserbi iti institutions. 18 met ti nakalista a retirado, no mampay adda kadakuada ti addaan akem a paroya. Addan tayo iti 21 a diakono-1 retired, 2 serving overseas, and 3 are on leave.

7.     Adda met lay people a nangdawat iti pammalubos, ken inrekomenda dagiti papadi, a tumulong kadagiti ordinado a ministro nangnangruna iti pannakaannong dagiti nasantoan a sacramento: 112 lay Eucharistic ministers; 74 lay leaders; ken 27 a lay preachers. Adu ti maitulong dagiti ‘lay ministers’ tayo ket sapay kuma ta ad-adu pay ti siaayat nga agada ken agserbi.

8.     Our records show that as of 2010 there are 33,396 individual members in the Diocese in 12 full-fledged parishes, 11 subsidized parishes, 22 organized missions and 52 preaching stations. I am pretty sure that when all the reports are in figures will show that we have grown, probably not spectacularly but solidly nevertheless.

On Self Reliance

1.     Idi napan a tawen inrugi tayo ti construction ti east wing ti Lyman Ogilby Centrum. Maysa daytoy a napanunot ti opisina a pamayan tapno manayonan ti pagapuan ti kuarta nga usaren tayo a mangsuporta iti agdama ken baro a misyon ti simbaan ditoy diocese. No makitayo mabiit ket malpasen.

2.     Kasta met a madama ti plano a mangmula iti kape idiay maysa nga ektarya a lote idiay Sagpat. Naaladan ket naisagana metten ti pagbunubunan. Kalpasan ti panagabayad dagiti nausar a nangirugi iti daytoy a proyekto tinto magalansya ket agserbi a mangsuporta iti misyon iti Kapangan ken Kibungan.

3.     Maisarunonto met ti Kamog ken dadduma pay a lugar. Umas-asidegen ti 2018- ti tawen nga inplano tayo nga amin kuma a kongregasyon ket agbalin a parish wenno self-supporting.

4.     Nagun-od tay met ti inaprobaran tayo a budget idi napan a tawen ket bareng malpas ti audit ket addan to pay bassit a mabati a mapan kadagti reserba tayo. Sangsangkamaysa tayo a nanggun-od iti daytoy ket awan duaduak a no ituloy tayo ti agkaykaysa iti panagdayaw, panagkararag, panagyaman, panagsaba ken panagbiag kas maiyannatup iti pammati tayo awan gapuna a ditay masuportaran ti trabaho ti Dios nga intay inawat ditoy a diocese.

On Partnership

Bigbigen tay met a ti ngarud intay inawat a pammati ken kinapudno ket agpaay kadagiti amin a tao, iti amin a lugar ken iti amin a panawen. Ket maysa a pakakitaan daytoy a kinapudno ket ti panakilangenlangen tayo kadagiti pada tayo immawat ken namati iti Naimbag a Damag [in our ecumenical realtions i.e. concordat relations]; iti covenant relations tayo [i.e. ECUSA] ken iti partnership ken companion diocese relationship tayo kadagiti kakabsat tayo iti sangalubungan a familia ti Iglesia Anglicana i.e. Anglican Church of Korea, Nippon Sei Ko Kai, Hongkong Sheng Kung Hui ken iti Council of the Church in East Asia.

Maysa kadagitoy ket ti companion diocese relationship tayo iti Chubu Diocese ti Nippon Sei Ko Kai. Nangrugi daytoy idi napirmaan ti Diocese tayo ken ti Chubu Diocese ti Statement of Companion Diocese Relationship ditoy Cathedral of the Resurrection idi February 15, 2004. Uppat a tawen ti tarayenna daytoy a tulag ngem napasingkedan idi 2008 idiay Chubu Diocese. Agleppas manen ti uppat a tawen ita a 2012 ket dagiti kakbsat iti Chubu Diocese inyebkasda ti ayatda a maituloy kuma daytoy a panagkadua tayo iti panagserbi ken panagdayaw iti Apo babaen ti resolution nga inaprobaan ti Diocese Synod da idi Nobyembre. Dawatek man iti Convention a sabten tay dayta nga ayatda babaen ti panang aprobar tayo iti maidatag to a resolution a mangituloy iti panagkakdua tayo. No maaprobaran daytoy mapirmaan to inton malem ti Biernes ti documento tau may ni Bp Ichiro Shibusawa ken dagiti kakaduana.

Ti kinapudno ti panagkaykaysatay ken Kristo ket narikna dagiti adda idiay St. Jude Episcopal Church, Bangao, Buguias last Sunday. Addaak idiay a kaduak dagiti papadi ken kakabsat a naggapu iti ndaumaduma a gimong ditoy Dicoese. Sinmabat met ni Bp Brent Alawas a kadauana dagiti papadi kent dadduma a kakabsat manipud kadagiti nadumaduma a gimong ti Episcopal Diocese of Northern Philippines. Adda kami sadiay a mangpasangbay kenni Bp Katherine Jefferts Schori, ti Presiding Bishop of the Episcopal Church [ti sigud a kunkunatayo nga ina tayo, ket ita maiyarig a kabsat tayo kalpasan a naisina tayo kadakuada ket nagbalin tayo nga autonomous proviunce] on her first official visit to ECP. Kasta met a simmabat ti Obispo Maximo ti Iglesia Filipina Independiente. Ket idi misa ni Bp Alawas ti Liturgy of the Word, ni Presiding Bishop ti nagsermon ket ni Obispo Maximo ti nangmisa.

Ti siasinoman a mangkuna a ‘saanen a siak ti agbibiag no di ket ni Kristo ti agbibiag kaniak’ agbiag iti panagserbi iti Apo ken mangiwaragawag iti Naimbag a Damag-damag nga agpaay kadagiti amin a tao ta waswasenna ti ania man a lapped iti panagkaykaysatayo kenkuana. Amen

Bp. JOEL PACHAO

Bishop, Episcopal Diocese of North Central Philippines

Diocesan Convention 2012